Sektor Ng Industriya

kahulugan ng industriya sektor ng pilipinasAng ekonomiya ay nahahati sa tatlong sektor o grupo. Ito ay ang primary o ang pangunahing sektor, ang sekondarya o ang pangalawang sektor, at ang tersiyaryo na sektor.

Mula sa literal na kahulugan ng salitang industriya, ang sektor na ito ay tumutukoy sa mga pagawaan, paggawa at mga manggagawa para sa produksiyon ng mga kalakal.

Ang mga hilaw na materyales mula sa sektor ng agrikultura ay diretsong dinadala sa sektor ng industriya. Dito ito pinoproseso upang magkaroon ng bagong anyo o bihis ang isang payak na produkto para tumaas ang bentahe nito sa merkado.

Pagpapaunlad ng Sektor ng Industriya

Ang bawat pamahaaan ay gumagastos para mapaunlad ang kanilang sektor na industriya. Ang mga makaluma at tradisyonal na uri ng pagproproseso ng mga produkto ay sinasabayan na rin ng mga makabagong teknolohikal na pamamaraan. Ginagawa ito upang hindi mapag-iwanan sa global na kompetisyon ang kanilang mga natatanging produkto.

Halimbawa nito ay ang pagawaan ng mga lokal na muwebles sa lalawigan ng Laguna. Ang kinasanayan na mano-mano na paggagawa ay nahaluan na ngayon ng mga makabagong mga makinarya. Ito ay para sa mas mabilis na produksiyon upang makasabay sa mataas na pangangailangan hindi lamang sa lokal na merkado ngunit maging sa labas din ng bansa.


Andiyan din ang bultuhan o ang maramihang pagtatahi ng mga damit na ibinebenta sa ibang bansa. Kung dati ay umaasa lamang sa mga manikang di padyak ng mga mananahi, ngayon ay halos di kuryente at awtomatiko na lahat.

Ang mabilis na paglago ng sektor ng industriya ay nakasalalay sa tulong na ibinibigay ng pamahalaan. Kabilang na dito ang mga tulong pang pinansiyal at ang pagbuo ng mga organisasyon na umaalalay sa pangangailangan ng mga negosyante na nagbabalak sumabak sa larangan ng sektor ng industriya.

Mga Nakukuha Mula sa Sektor ng Industriya

kahalagahan ng sektor ng industriya in tagalogMaraming biyaya ang dala ng maunlad at masiglang kalakaran ng sektor ng industriya. Kabilang dito ay ang mga sumusunod:

  • Ang pagbubukas ng maraming trabaho para sa mga tao – Ang pagpapatayo ng mga pagawaan ay nagangahulugan ng pangangailangan ng maraming bilang ng mga manggagawa. Dahil dito ay tataas ang employment rate ng isang bansa. Mababawasan ang mga bilang ng mga mahihirap at tataas ang kalidad ng buhay ng mga maralita.
  • Tumataas ang pananalapi ng gobyerno – Kaakibat ng pagdami ng mga industriya at mga pabrika ay ang pagtaas ng koleksiyon ng buwis mula sa mga kapitalista. Mula sa mga buwis na ito ay lumalago ang kaban ng bayan. Ito rin ang ginagasta upang maisakatuparan ang mga maraming proyekto ng pamahalaan gaya na lamang ng mga tulay at mga kalsada.
  • ipaliwanag ang halimbawa ng sektor ng industriyaDumarami ang mga mamumuhunang lokal at dayuhan – Ang maunlad na industriya ay humihikayat ng mga malalaking negosyante upang magpatayo ng mga negosyo. Magandahang bentahe sa ekonomiya ang pagkakaroon ng maraming dayuhang namumuhunan sa isang lugar. Nagiging sukatan ito upang umangat ang antas ng kalidad ng pamumuhay ng isang bansa.
  • Paghikayat ng turismo sa bansa – Kapag lumalago ang sektor ng industriya ito ay gumugawa ng ingay hindi lamang sa ekonomiya bagkus sa larangan din ng turismo.
  • Pagtaas ng antas ng lipunan – Ang progresibong sektor ng industriya ay nakakatulong para maiangat ang antas panglipunan ng isang lugar. Halimbawa dito ay ang mga munisipiyo sa mga kanayunan. Dahil sa unti-unting paglago ng kanilang sektor ng industriya sila, tumataas ang kanilang antas at nagiging mga siyudad ng bansa.

suliranin at kahinaan ng sektor ng industriyaLahat ng maganda ay may kakambal na hindi maganda. Halimbawa nito ay ang pagdami ng mga pabrika na siya namang nagdudulot ng polusyon sa hangin at maging sa tubig. Ito ang kasalukuyang hamon ngayon na kinakaharap ng mga bansa na may mga mauunlad na sektor ng industriya.

Isang napakalaking hamon upang mabigyan ng solusyon at mabalanse ang progreso kontra sa pinsalang dulot nito lalo na sa kalusugan ng nakararami.